منتديات عشيرة الجنابيين
اهلا بك ايها الزائر الكريم في منتدياتكم منتديات عشيرة الجنابيين .....لكل العراقيين السيد يوسف الجنابي عبد الرحمن الفهداوي يرحب بكم أجمل وارق ترحيب ونتمنى لكم قضاء اوقات سعيدة معنا


منتديات عشيرة الجنابيين تضم حولها جميع العراقيين من كل الجنسيات والفئات دون تفرقة طائفية وعنصرية
 
الرئيسيةاليوميةس .و .جبحـثالمجموعاتالتسجيلدخولعشيرة الجنابيين عراقة تمتد الى ما لا نهاية

شاطر | 
 

  قصص الأطفال للمغتربين ميثولوجيا عراقيه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
يوسف الجنابي
المدير العام ومالك المنتدى
المدير العام ومالك المنتدى
avatar

ألاوسمة :
لائحة الصور :
عدد المساهمات : 150
تاريخ التسجيل : 16/12/2008

مُساهمةموضوع: قصص الأطفال للمغتربين ميثولوجيا عراقيه   السبت يوليو 31, 2010 2:27 pm

alien كان يامكان في قديم الزمان
كان اكو فد سلطان اتزوج وفد يوم من الايام مرته صارت حامل (شلون صدفة ) جابت مرته بنية اتخبل ماكو مثل جمالها وفد يوم جان تجي السعلوة وتبوك البنية واخذتها ال مكان مهجووووور على جبل (مكان مال سعالوة وعتكم الحساب ) بس جانو وحدهم يعني ماكو سعالوه غيرها ربتها للبنية وسمتها ((فترياح )) واخذت يومية السعلوة تنزل من الصبح تروح تسوي شغلات مال سعالوة وتجيب اكل ال بتها وترجع بليل وتصيح من جوة الجبل *فترياح فترياح دندلي كصايبج الملاح دتصعد امج تسترااااح * ودندل فترياح كصايبه وتصعد امها السعلوة وهاي يومية نفس الحالة فد يوم من الايام جان امير صاعد على نسر ديطير فوكاه جان يشوف فتشي يلمع من على الجبل فهو استغرب لانه ماكو احد ابهذيج المنطقة جان ينزل يمها كللها ولج انتي انس لو جن كلتله لا يابة اني انس جن شنو مدتباوعني ابلحمي وشحمي وكلله ولج انتي شدسوين اهنا وكعدت تحجيله القصة مال امها السعلوة فبقو يحجون ويسلفوون جان تجي غيمة سودة غطت الجبل كله كللها هاي شنو كلتله هاي اجتي امي السعلوة شلون هسة تاكلك كللها لا بابا لتخااافين كلتله انت متعرفها جان اتلزمه وتحوله دنبوووس (ابرة ) وحطته بهدومها وصاحت السعلوة *فترياح فترياح دندلي كصايبج الملاح حتى تصعد امج تسترااااح * ودندلتها وصعدت كلتلهاهاي شنو داشتم ريحة بشر اكو كلتلها لا يمة منو يجي لهنا بقت ادور ادور تعرفون الجبل جبير تعبت ونامت وكعدت همين الصبح راحت الشغل السعالوه (انتو اتعرفو شنوة ) ورجعته انسان الشكله الاصلي كللها لج هاي امج تخوف صدك كلتله لعد اشعبالك وهمين بقو ايسلفون ايسلفون ايسلفووون الى ان اجتي الغيمة مرة لخ كلتهل ولك همين اخذنا الوكت واجتي امي اجتي وحولته مكناسة وصاحت السعلوة *فترياح فترياح دندلي كصايبج الملاح دتصعد امج تسترااااح * ودندلتها وصعدت كلتلها داشتم ريحة بشر غيرج اهنا كلتلها هاي شبيج يمة ماكو احد بس اني وانتي وهمين بقت ادور ادور الى ان نامت وكعدت الصبح وراحت فرجعته ال شكله الاصلي كللها انتي لازم تجين (حبه كلش كلش )(اكيد سامعين بالحب من النظرة الاولى ) هو اهنا انطبق بالبداية كلتله اشلون وامي كللها معليج بيها وامشي وياي فهي حولت نفسه فتشي ايطير وكلتها اصعد على ظهري ( امها سعلوة وعلمتها كلش وكلاشي ) اجتي امها السعلوة وكامت اتصيح
فترياح فترياح دندلي كصايبج لملاح دتصعد امج تستراح
ومكاو جواب
وصاحت فترياح فترياح دندلي كصايبج لملاح يمة دتصعد امج تستراااح
وماكو جواب
وجان هي البنية بعدها فوك دطير جان اتكللها
فترياح فترياح اخذها المحبوب وراح
اخترعت السعلوة
وصاحت مرة لخ عبالها دتتوهم
فترياح فترياح دندلي كصايبج لملاح يمة دتصعد امج تستراااح
جن اتجاوبها
فترياح فترياح اخذها المحبوب ورااااح
هاي السعلوة بقت اتصيح اتصيح الى ان طكت ومااااتت
وعاشو عيشة سعيدة
والسلام ختام
الرجوع الى أعلى الصفحة اذهب الى الأسفل
http://yousif.in-goo.com
 
قصص الأطفال للمغتربين ميثولوجيا عراقيه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات عشيرة الجنابيين :: الاقسام الادبيه :: عراقي في المهجر-
انتقل الى: